«ПСЖ» ҳужумчиси Килиан Мбаппе Франция терма жамоаси сафида жаҳон чемпионатида ўйнаб, яна клуби сафига қайтди.
Журналист Адриен Греньернинг хабар беришича, 24 ёшли ҳужумчи бугундан бошлаб жамоа билан машғулотларни бошлаши керак.
Эслатиб ўтамиз, Мбаппе Франция терма жамоасига жаҳон чемпионати финалига чиқишга ёрдам берди ва у босқичда хет-трик қайд этди.
Бироқ бу Дидье Дешам шогирдларига асосий ва қўшимча вақтда ғалаба қозонишга ёрдам бермади. Пенальтилар серияси натижаларига кўра ғалабани Аргентина терма жамоаси нишонлади.
Мбаппе 8 та гол билан жаҳон чемпионатининг энг яхши тўпурари бўлди. Агар футболчи келажакда турнирда яна 5 та гол урса, жаҳон чемпионати тарихидаги энг яхши тўпурарлар рўйхатида Мирослав Клозедан ўзиб кетади.
