Мексика терма жамоаси сардори Андрес Гуардадо терма жамоадаги фаолиятини якунлади, деб хабар беради AS.
Манбага кўра, 36 ёшли футболчи ўз қарори ҳақида Мексика футбол федерацияси (МФФ) раҳбари Йон де Луизни аллақачон хабардор қилган. Унинг айтишича, Қатарда бўлиб ўтган 2022 йилги жаҳон чемпионати унинг учун охиргиси бўлган.
Эслатиб ўтамиз, Гуардадо Мексика терма жамоасида 2005 йилдан буён ўйнаб келмоқда. Терма жамоа таркибида ярим ҳимоячи бешта жаҳон чемпионатида иштирок этди, уч марта КОНКАКАФ Олтин кубогини қўлга киритган (2011, 2015, 2019) ва Америка кубогининг бронза медали совриндори бўлган (2007).
Қатарда бўлиб ўтган ЖЧ-2022да Мексика терма жамоаси Аргентина, Польша ва Саудия Арабистони жамоалари билан C гуруҳида ўйнади ва у ерда учинчи ўринни эгаллаб, турнирнинг плей-офф босқичига чиқа олмади.
