"Челси"нинг собиқ бош мураббийи Томас Тухель иш визаси муддати тугагани сабабли Буюк Британияни тарк этди. Журналист Кристиан Фалкнинг ёзишича, немис мутахассиси ҳозирда испан тилини фаол ўрганмоқда.
Ла Лига клублари орасида Тухель учун вариантлардан бири "Атлетико Мадрид" бўлиши мумкин. “Матрасчилар” раҳбарияти Диего Симеоне бошчилигидаги мавсум стартидаги натижалардан норози.
Тухель сентябрь ойи бошида "Челси"дан ишдан бўшатилди. Аввалроқ, немис Англия терма жамоаси бош мураббийи лавозимига номзодлардан бири бўлган, аммо “уч шерлар”нинг амалдаги бош мураббийи Гарет Саутгейт якунда ўз лавозимида қолишга қарор қилди.
