Ҳурматли мухлислар, эътиборингизга навбатдаги лойиҳани таклиф қиламиз. Бугундан бошлаб сайт мухлислар “Футбол башорати” танловида иштирок этишлари мумкин.

Хабарингиз бор, 10 август куни Биринчи лиганинг 2-босқич баҳслари бошланади. “Футбол башорати” танловини айнан Биринчи лига баҳслари учун ўтказишга қарор қилдик. Бундан мақсад — мухлислар ўртасида Биринчи лигага бўлган қизиқишни орттиришдан иборат.

"Футбол башорати" танлови қоидалари

 1. Танловда фақат рўйхатдан ўтган мухлислар иштирок этади. Агар рўйхатдан ўтган бўлсангиз, логин ва пароль орқали сайт тизимига киринг.
2. “Футбол башорати” бўлимида кўрсатилган ўйинларнинг натижаларига ўз тахминларингизни билдиринг.
3. Вариантларни қабул қилиш, рўйхатда келтирилган ўйинлар ичида энг барвақт бошланадиган учрашув бошланишидан 1 соат олдин тўхтатилади. Футбол учрашувлари ниҳоясига етгандан сўнг, “Футбол башорати” бўлимидаги “Рейтинг” саҳифасига ўтиш орқали ўз натижаларингизни билиб олишингиз мумкин.
3. Рейтинг очколарини ҳисоблаш тизими билан танишинг: Вариантлар 3 хил тизимда ҳисобланади:
а) тўғри топилган ҳисоб учун - 3 балл;
б) тўғри топилган тўплар фарқи - 2 балл;
в) тўғри топилган ғолиб жамоа - 1 балл.
Изоҳ: Учрашувда дуранг қайд этилиб, берилган тахмин ҳам дуранг бўлса-ю, фақат натижа бошқачароқ кўринишда бўлса, бу ҳолда ҳам 2 очко берилади.

4. Танлов якунида энг кўп очко тўплаган мухлис ғолиб деб топилади. Очколар тенг бўлиб қолган ҳолатда, ғолиб номи қуйидагича аниқланади:
а) тўғри топилган ҳисоблар сони
б) тўғри топилган тўплар нисбати сони
Барча кўрсаткичлар тенг бўлганида эса тенг очко тўплаган мухлисларнинг барчаси ғолиб деб эълон қилинади.
5. Танловда хоҳлаган босқичдан бошлаб иштирок этиш мумкин.

“Футбол башорати”нинг 1-тур ўйинлари сайтга қўйилди. Биринчи лиганинг 2-босқич ўйинлари 10 август куни бошланади. Демак, унга қадар танловда вариантларингизни сайтга киритишингиз лозим. Бу танловда ҳам сайтда рўйхатдан ўтганлар иштирок этади.

“Футбол башорати” танлови: веб версия ва мобиль версия учун.