Португалия терма жамоаси ҳужумчиси Криштиану Роналду Саудия Арабистонига етиб келди. Бу ҳақда Footmercato хабар бермоқда.
Манбага кўра, 37 ёшли португалиялик ҳужумчи “Ан-Насср” футбол клуби шаҳри бўлган Ар-Риёдга етиб келган, миш-мишларга кўра, Роналду яқин орада у билан мавсумига 200 миллион евро маош билан 2,5 йиллик шартнома имзолайди.
Аввалроқ, Роналду "Манчестер Юнайтед" шартномасини бекор қилганидан кейин эркин агентга айланганди. Португалиялик футболчи жорий мавсумда “қизил иблислар” сафида 16 та ўйинда майдонга тушиб, 3 та гол урди ва 2 та голли узатмани амалга оширди. Қатарда бўлиб ўтган 2022 йилги жаҳон чемпионатида Роналду бешта ўйинда битта гол урди.
