Portugaliya terma jamoasi hujumchisi Krishtianu Ronaldu Saudiya Arabistoniga yetib keldi. Bu haqda Footmercato xabar bermoqda.

Manbaga ko‘ra, 37 yoshli portugaliyalik hujumchi “An-Nassr” futbol klubi shahri bo‘lgan Ar-Riyodga yetib kelgan, mish-mishlarga ko‘ra, Ronaldu yaqin orada u bilan mavsumiga 200 million yevro maosh bilan 2,5 yillik shartnoma imzolaydi.

Avvalroq, Ronaldu "Manchester Yunayted" shartnomasini bekor qilganidan keyin erkin agentga aylangandi. Portugaliyalik futbolchi joriy mavsumda “qizil iblislar” safida 16 ta o‘yinda maydonga tushib, 3 ta gol urdi va 2 ta golli uzatmani amalga oshirdi. Qatarda bo‘lib o‘tgan 2022 yilgi jahon chempionatida Ronaldu beshta o‘yinda bitta gol urdi.