"Бавария" спорт директори Хасан Салихамиджич "ПСЖ"нинг ҳужумкор ўйинчилари сифатини юқори баҳолади.
Эслатиб ўтамиз, “Бавария” дастлаб парижликлар билан 14 февраль куни “Парк де Пренс”да, кейин эса 8 март куни “Альянц Арена”да учрашади.
"ПСЖ"да ажойиб ҳужумкор ўйинчилар бор, лекин мен ўз футболчиларимизга ҳам ишонаман. Мен бу ўйинларни интиқлик билан кутяпман. Бу икки хил клуб. Мен жуда ҳиссий ва жозибали қарама-қаршиликни кутаман. Кўплаб жаҳон миқёсидаги ўйинчилар бир-бирлари билан учрашишади", - деди Салихамиджич Bild билан суҳбатда.
"Бавария" ва "ПСЖ" сўнгги бор 2020/21 йилги Чемпионлар Лигаси чорак финалида ўзаро тўқнаш келишган. Ўшанда парижликлар кейинги босқич йўлланмасини қўлга киритганди.
