"Барселона" ва Испания терма жамоаси ҳужумчиси Ансу Фати "кўк-анорранглилар" сафидаги биринчи машғулотини эслади.
Эслатиб ўтамиз, 20 ёшли вингер испан клуби тарбияланувчиси бўлиб, у асосий жамоада 2020 йилдан буён ўйнаб келмоқда.
Ёш футболчи кийиниш хонасида Лионель Месси ва Луис Суарес каби юлдузларни кўриб ҳайратда қолганини тан олди.
"Мен катта ҳаяжонда биринчи жамоа биносига бориш учун "Барселона Б"дан зинапояга чиқдим. Кейин кийиниш хонасига кириб, Суарес, Месси ва бошқаларни кўрганимда, кўзларимга ишонмадим. Мен жим ўтирдим", - деди Фати Mundo Deportivo билан суҳбатда.
Фати "Барселона" сафида жами 78 та ўйинда майдонга тушиб, 22 та гол урди ва 9 та голли узатмани амалга оширди. Олдинроқ каталонияликлар испаниялик футболчи билан қишда хайрлашиши мумкинлиги ҳақида хабар берилганди. Қанот футболчисига даъвогарлардан бири Туриннинг "Ювентус" клуби ҳисобланади.
