"Милан"нинг собиқ бош мураббийи Фотиҳ Терим Қатарга ташриф буюриб, жаҳон чемпионатини, жумладан, финал ўйинини ҳам томоша қилди. Терим Аргентина ва Франция ўртасидаги қарама-қаршиликда ажойиб ўйин намойиш этган Мессини дунёнинг энг яхши футболчиси деб атади.
"Жаҳон чемпионати финалини кўрдим. Менга чемпионатнинг ташкил этилиши жуда ёқди, Қатарда эдим. Энг зўр ўйинчига келсак, мен доим шуни айтганман - Месси биринчи, Месси иккинчи, Месси учинчи. Аммо менимча, буни бутун дунё энди тушуняпти", - деди Терим pianetamilan.it билан суҳбатда.
Эслатиб ўтамиз, Аргентина терма жамоаси ўз тарихида учинчи марта жаҳон чемпиони бўлди.
