Мадриднинг “Реал” клуби ҳимоячиси Давид Алаба Криштиану Роналду ҳақида фикр билдирди.
37 ёшли португалиялик футболчи энг яхши мавсумни ўтказмаяпти: аввалига "Манчестер Юнайтед"нинг асосий таркибидаги ўрнини йўқотди, кейин клубни тарк этди ва мундиалида ўзини кўрсата олмади. Энди эса Саудия Арабистонининг "Ан-Наср" клуби билан шартнома имзолашга яқин турибди.
"Шахсан мен Роналдудан сўнгги 15 йил ичида футболга берган нарсалари учун жуда миннатдорман. У ўз ўйинлари билан бизнинг авлодимизни шакллантиришга ёрдам берди, унинг таъсири жуда катта. Ҳозир у ҳақида шундай гаплар ёзилаётгани ачинарли", - деди Алаба Realtotal билан суҳбатда.
