Самарқанд шаҳридаги “Динамо” теннис кортида эркаклар ўртасида халқаро “Челленжер” мусобақалари бўлиб ўтмоқда.

Бир неча йилдан буён анъанавий равишда ўтказиб келинаётган мазкур турнир дунё теннис усталарининг нуфузли мусобақасига айланди. Шу боис йил сайин унинг нуфузи ошиб, иштирокчилар сафи кенгайиб бормоқда. Жумладан, бу йилги беллашувларда дунёнинг йигирмадан зиёд давлатидан кучли ракетка усталари қатнашяпти.

Мусобақада юртимиздан ўндан зиёд маҳоратли теннисчи иштирок этмоқда, дея қайд этади ЎзА.

“Ўтган йили ушбу нуфузли мусобақада ярим финалда иштирок этгандим, – дейди ҳиндистонлик Вишну Вардхан. – Бу йил эса турнир ғолиблиги учун астойдил ҳаракат қилмоқчиман. Ўзбек халқининг меҳмондўстлиги, спортга эътибори бизни кортларда бор маҳоратимизни ишга солиб ҳаракат қилишга ундайди. Фурсатдан фойдаланиб, бутун Ўзбекистон халқини тобора яқинлашиб келаётган Мустақиллик байрами билан табриклайман”.