«Челси» бош мураббийи Грэм Поттер дарвозабон Эдуар Мендининг шартномаси ҳақида ўз фикрларини билдириб ўтди.

30 ёшли футболчи, аввалроқ хабар қилинганидек, 2025 йилда тугайдиган шартномани узайтиришга ҳали рози бўлмаган.

«Мендининг шартномаси клуб ва футболчининг ўзига боғлиқ, мен бу ҳақда батафсил гапира олмайман.

Эдуар - ажойиб йигит, у «Челси»даги фаолиятининг бошидан бери ажойиб эди», - деди «кўклар» бош мураббийи. Фабрицио Романонинг сўзларига кўра, айни дам томонлар янги шартнома бўйича келишишга яқин эмас.

Жорий мавсум сенегаллик футболчи лондонликлар сафида 11 та ўйин ўтказиб, 15 та гол ўтказиб юборди.