Айни дамда футболчилик фаолиятининг сўгги палласида турган испаниялик ярим ҳимоячи Сеск Фабрегас ижтимоий тармоқ орқали футболда қолиб, мураббий бўлишни режалаштираётганини маълум қилди. Айни дамда собиқ “канонир” Италия Б сериясида “Комо” сафида ўйнамоқда.
Фабрегас футбол мураббийи бўлиш режалари ҳақида: "Бунинг устида қаттиқ ишлаш керак", деб ёзган.
Фабрегас фаолияти давомида "Комо"дан ташқари, "Арсенал" "Барселона", "Челси" ва "Монако" каби клубларда ўйнаган. Шунингдек, у “Қизил фурия” таркибида икки карра Европа чемпиони ва жаҳон чемпиони ҳисобланади.
