"Манчестер Сити" бош мураббийи Пеп Гвардиола "Ливерпуль" билан Англия лига кубогининг 1/8 финал босқичида (3:2) ярим ҳимоячи Калвин Филлипснинг йўқлиги ҳақида гапирди.
“У жароҳат олмади, ортиқча вазн билан қайтди. Негалигини билмайман. Калвин машғулот ва ўйнаш учун яроқсиз ҳолатда келди. Шунинг учун у ўйнай олмайди. Қачонки у тайёр бўлса, ўйнайди, чунки у бизга керак.
Мен хафа бўлдимми? Бу Калвин билан шахсий суҳбат", - дея Гвардиоланинг сўзларидан иқтибос келтиради Reuters.
“Манчестер Сити” турнирнинг чорак финалида “Саутгемптон”га қарши баҳс олиб боради. Ўйин 10 ёки 11 январь куни бўлиб ўтади.
