Чемпионлар лигасида ўйнаётган Европанинг бир қатор клублари нима учун португалиялик ҳужумчи Криштиану Роналдуни сотиб олишдан бош тортгани маълум бўлди, деб хабар бермоқда The Times.
Манбанинг ёзишича, асосий сабаб 37 ёшли футболчининг ноябрь ойи охирида жанжалли равишда "Манчестер Юнайтед"ни тарк этгани. Ҳужумчининг ЖЧ-2022да Португалия терма жамоасининг асосий таркибидаги ўрнини йўқотгани ҳам ўз таъсирини ўтказди.
Клублар Роналдунинг ёши ва маошига қўйиладиган талабларни инобатга олган ҳолда унинг учун сарф-харажатларни асоссиз деб ҳисоблашган.
Айни дамда Роналду эркин агент, футболчига асосий давогарлардан бири Саудиянинг "Ан-Насср" клуби бўлиб, жамоа у билан мавсумига 200 миллион евро маош билан 2,5 йиллик шартнома имзолашга тайёр.
