Лондоннинг "Челси" клуби Бразилия терма жамоаси ҳужумчиси Неймар учун курашга қўшилди, дея хабар бермоқда Британия таблоидлари.
Лондон клуби хўжайини Роман Абрамович иқтидорли футболчи учун 63 милион евро сарфлашга тайёр.
Яқиндагина "Челси" сафига келиб қўшилган бошқа бир бразилиялик футболчи Оскар ҳам ушбу трансфернинг амалга ошиши учун ёрдам бериши кўзда тутилган. Бразилия олимпия ва ёшлар терма жамоасида Неймар билан биргаликда ҳаракат қиладиган Оскар ўз дўстини айнан "Челси" вариантини танлашигаа кўндирмоқчи.
Аммо, Бразилияда футболчини бу мавсумда европага қўйиб юборишни истамаяпти. Шунингдек тасдиқланмаган маълумотларга кўра, "Сантос" Каталониянинг "Барселона" клуби билан ўзаро келишувга эришганлиги ҳақида маълумотлар бор.
