Англия премьер лигасида чемпионлик мақомига эришиш «Арсенал» учун энг қизғин палласида. 2003-04 йилги мавсумда Арсен Венгер бошчилигидаги «тўпчилар» клубнинг сўнгги чемпионлигини қўлга киритганидан бери биринчи марта «Арсенал» кубокни ўзиники қилиб олиб кета оладиган жамоадек ҳис қилмоқда. Аммо Микел Артетанинг шогирдлари ҳозирча йўлнинг фақат осон қисмни босиб ўтишди.

Шунга қарамасдан, 14 ўйинда бор-йўғи битта мағлубият аламини тотиб кўрган ҳолда турнир жадвалида пешқадамликни сақлаб қолиш Артета ва унинг ёш жамоаси учун ҳақиқий ютуқдир.

Қатарда бўлиб ўтган 2022 йилги жаҳон чемпионати учун олти ҳафталик танаффусдан сўнг Премьер лига давом этар экан, «Арсенал» пойгада пешқадам бўлишга лойиқ, аммо мавсум охиригача етакчиликни сақлаб қолиш уларнинг ўз қўлида. Уларнинг қанчалик узоққа олиб боришини эса кузатамиз.

Премьер лига 1992-93 йилларда бошланганидан бери 30 та мавсум якунланди ва янги йилни турнир жадвалини етакчи сифатида якунлаган 30 та жамоадан 16 таси мавсум чемпионига айланган, қолган 14 та жамоага эса бу насиб этмаган. 2003 йил 31 декабрь кунида «Арсенал» «Манчестер Юнайтед»дан кейин иккинчи бўлди ва чемпион бўлди.

Бу сафарги тарихий статистика бироз ўзгарди, «Арсенал» Жаҳон чемпионати ўтказилгунга қадар бор-йўғи 14 ўйин ўтказди. Аввалги мавсумларга қарайдиган бўлсак, жамоалар одатда йил якунигача 17 та ўйин ўтказишган, шунинг учун Артета жамоасига мавсум чемпионлиги учун курашда босим юклаш адолатдан эмас, аммо бу билан «Арсенал»ни чемпионлик курашидан чиқариб қўйиш ниятида ҳам эмасмиз.

Амалдаги чемпион «Манчестер Сити» эса пешқадамдан бор-йўғи беш очко ортда қолганига қарамай, ҳамон фаворит бўлиб қолмоқда. Пеп Гвардиола жамоаси ҳам ўзлари хатога йўл қўймаган ҳолатда «тўпчилар»нинг қоқилишини кутади.

Артета учун энг катта ташвиш ҳужумчи Габриел Жезусни йўқотиш бўлади, у ЖЧда Бразилия таркибида майдонга тушиб олган жароҳати туфайли тўрт ойгача сафдан чиқиши мумкин. 25 ёшли футболчи ёзда «Ман Сити»дан 45 миллион фунт стерлингга трансфер қилинганидан бери «канонирлар» сафида бешта гол урди. «Арсенал» фақатгина Габриел Жезусга боғланиб қолмаган бўлса-да, шу қисқа вақт давомида бразилиялик форвард таркибдаги асосий ўйинчилардан бирига айланиб улгурди. Қизиқ маълумот, Габриел Жезус гол урган ўйинларнинг бирортасида «Арсенал» ютқазмаган.

Шунинг ўзиёқ Жезуснинг Артета жамоаси учун қанчалик муҳим ўйинчи эканлигини кўрсатади. Қолганини эса вақт кўрсатади, биз эса кузатишда давом этамиз.