"ПСЖ" ҳимоячиси Ашраф Ҳакимийнинг агенти Алехандро Камано футболчининг Париж клубидаги келажаги ҳақида гапирди.
"Ашраф "ПСЖ"да жуда бахтли, у клубда 2026 йилнинг июнигача қолади", - дея агент сўзларини келтирган Фабрицио Романо.
Шунингдек, манбанинг хабарига кўра, 24 ёшли футболчи бошқа клублар билан эҳтимолий трансфер борасида музокара ўтказмаган.
Марокашлик футболчи 2021 йилнинг ёзидан буён парижликлар сафида тўп сурмоқда. Жорий мавсумда Ҳакимий жамоа сафида барча мусобақаларда 21 та ўйин ўтказиб, 3 та гол урди ва 3 та голли узатмани амалга оширди.
