Ярим ҳимоячи Франк Кессиэ Серхио Бускетс, Педри ва Гави каби футболчиларнинг рақобатига қарамай, тез орада асосий таркибга киришига ишонмоқда. Sport.es нашри хабарига кўра, ивуарлик футболчи жаҳон чемпионатидаги танаффус туфайли таътил берилганига қарамай, бир неча ҳафта давомида фаол машғулотлар олиб бормоқда.
Кессиэ аввалроқ "Барселона" раҳбарияти билан учрашув ўтказган ва унда футболчининг ўйин вақти тез орада ошиши кераклигига ишонч ҳосил қилганди.
Аввалроқ, ивуарлик футболчи ўз позициясидан норозилиги ва январда жамоани тарк этмоқчи эканлиги ҳақида хабарлар тарқалган эди, гарчи у жамоа билан фақат шу ёзда эркин агент сифатида шартнома имзолаган бўлса-да.
