Франциянинг “ПСЖ” клуби Бразилия ёшлар терма жамоаси футболчиси Лукас Сильва учун курашга киришган, дея хабар бермоқда Globo Esporte.
Ўтган ҳафта куни тарқатилган маълумотларда Англиянинг “Манчестер Юнайтед” клуби бразилиялик иқтидорли футболчи билан шартнома тузишга яқин экани айтилганди. Аммо, парижликлар футболчини молиявий жиҳатдан қулайроқ шартнома эвазига, “МЮ”дан тортиб олмоқчи.
Лукас Сильванинг ўзи ҳам “ПСЖ” вакиллари билан бу борада суҳбатлашганини тан олди.
“Айни пайтда “ПСЖ” вакиллари билан трансферим борасида гаплашиб олганим рост. Аммо, шуни аниқ айта оламанки, 2012 мавсум якунигача мен Бразилияда қоламан. Европага йўл олишимдан олдин “Сан Паулу” билан Бразилия чемпиони бўлмоқчиман”, дея футболчининг сўзларидан парча келтирмоқда юқоридаги нашр.