Мадриднинг “Реал” клуби ярим ҳимоячиси Нури Шахин янги мавсумни Англия премьер-лигасида давом эттириши ҳақиқатга яқинроқ бўлиб турибди.
Эслатиб ўтамиз туркиялик истеъдодли футболчи учун айни дамда Лондоннинг икки клуби, “Арснеал” ҳамда “Тоттенҳэм”лар кураш олиб боришмоқда. Эндиликда улар сафига “Ливерпуль” ҳам расман қўшилди.
Ливерпулликлар бош мураббийи Брендан Роджерс Нури Шахин борасида “Реал” вакиллари билан музокараларга киришишга тайёр эканлигини таъкидлади.
Marca нашрининг хабар беришича, Нури Шахин айнан мана шу учта клубдан бирига йўл олиши ҳақиқатга яқинрок.
Таъкидлаб ўтиш жоиз, ўтган мавсум бошида катта умидлар билан сотиб олинган футболчи, жароҳати ва яна бир нечта сабаблар туфайли Мадридда ўз ўрнини топиб кетолмади. “Реал” устози Жозе Моуриньо эса янги мавсум аввалидан туркиялик футболчига унчалик ишонч билдирмаётганини айтган.
