"Ливерпуль" бош мураббийи Юрген Клопп қишки трансфер ойнаси олдидан жамоасининг ҳолати ҳақида гапирди ва клуб январь ойида янги трансфер амалга ошириши мумкинлигига шама қилди.
“Икки нафар футболчимизда жиддий жароҳат бор. Ўтган январь ойида Луис Диас сафимизга қўшилганди ва бу мавсумнинг ўша қисмида катта ёрдам берди. Агар бу ижобий ҳаракат бўлса, бу сафар шунга ўхшаш бирор нарса қилиш керакми? Нега йўқ?" — дея Клоппдан иқтибос келтиради журналист Фабрицио Романо.
2022/23 йилги мавсумда "Ливерпуль" 14 ўйинда 22 очко тўплади ва АПЛ турнир жадвалида олтинчи ўринни эгаллаб турибди.