Россия футбол иттифоқи (РФИ) низоларни ҳал қилиш учун воситачилик хизматлари палатаси шартномалар бўйича қарздрлик туфайли "Рубин"га янги ўйинчиларни рўйхатдан ўтказишни тақиқлади.
РФИ расмий сайтида хабар қилинганидек, палата аккредитациядан ўтган воситачилар Ацамаз Такоев ва Дмитрий Агеевнинг аризаларини қаноатлантирди.
Янги ўйинчиларни рўйхатдан ўтказишни тақиқлаш, РФИ томонидан аккредитация қилинган воситачилар олдидаги мажбуриятларни бажарган тақдирда, клубнинг илтимосига биноан олиб ташланиши мумкин.
"Рубин" Биринчи лигада ўйнайди ва 20 турдан кейин турнир жадвалида учинчи ўринни эгаллаб турибди.
Эслатиб ўтамиз, айнан "Рубин" жамоасига "Бунёдкор" футболчиси Умарали Раҳмоналиев ўтган эди.
