Аргентина терма жамоаси дарвозабони Эмилиано Мартинес "Астон Вилла"ни тарк этиши мумкин, дея хабар бермоқда Estadio Deportivo.
Манбага кўра, "Астон Вилла" бош мураббийи Унаи Эмери Франция терма жамоаси билан ЖЧ-2022 финал учрашувидан кейин дарвозабоннинг хатти-ҳаракатидан ғазабланган. Испаниялик мутахассис Мартинесни жамоадан четлатмоқчи. Дарвозабон ўрнига асосий номзод - "Севилья"нинг марокашлик дарвозабони Ясин Буну.
Эслатиб ўтамиз, Мартинес ЖЧ-2022да Аргентина термасининг ғалабаси билан якунланган финал учрашувида (пенальтилар бўйича 3:3, 4:2) Франция терма жамоаси футболчиларини ғазаблантирганди. Буэнос-Айресдаги чемпионлик тантаналарида дарвозабон Мбаппенинг юзи туширилган қўғирчоқни кўтариб олганди.
