"Наполи" Италия чемпионатида пешқадамлик қилмоқда, Лучано Спалетти шогирдлари энг яқин таъқибчисидан 8 очколик фарқ билан олдинда бормоқда.
Туриннинг "Ювентус" ва "Наполи"нинг собиқ футболчиси Эммануэль Жаккерини буни тасодиф эмас деб ҳисобламоқда. Унинг фикрича, "Наполи" охиригача чемпионликка даъвогарлик қилади ва чемпионат ўрталарида таслим бўлмайди.
"Спалетти ажойиб иш қилди. Янги харидлар ёзда кетганларни қоплаганидан кўра кўпроқ. Ишончим комилки, "Наполи" чемпионлик учун охиригача курашади ва бу қоида тариқасида, "Наполи" чемпионлиги бўлиши мумкин" - деди Жаккерини juvenews.eu сайтига.
