АПЛ доирасида "Брентфорд" ўз уйида "Тоттенхэм"ни қабул қилди ва ғалабани қўлдан бой берди. Иккинчи бўлим ўрталарига келиб мезбонлар 2:0 ҳисобида олдинда бораётганди, бироқ Антонио Конте шогирдлари иккита гол киритиб, ҳисобни тенглаштиришди ва мағлубиятдан қутулиб қолишди.
Ҳар доимгидек, ҳужумчи Харри Кейн “шпорлар” сафида ўз вазифасини бажариб, рақиб дарвозасини ишғол этди. Унинг жамоадоши Пьер-Эмиль Хейбьергнинг фикрича, футболни тушунмайдиган одамгина “Тоттенхэм” етакчисига шубҳа қилиши мумкин.
"Футболдаги энг катта хато бу Харри Кейнга шубҳа қилишдир. Бу машина. У дунёда биринчи рақамли футболчи бўлиши мумкин", - деди "шпорлар"нинг даниялик ярим ҳимоячиси.