Ҳужумчи Ирвинг Лосано «Наполи»ни Англия премьер-лигасининг топ-клубига алмаштириши мумкин.
Calciomercato хабарига кўра, «Ливерпуль» 27 ёшли мексикалик футболчини қўлга киритиш учун фаворит ҳисобланади. Мерсисайд клуби кадрлар муаммосига дуч келмоқда, шу боис ҳужум чизиғини кучайтиришдан манфаатдор.
Ирвинг Лосанонинг «Наполи» билан амалдаги шартномаси 2024 йилнинг ўрталарига қадар мўлжалланган. Меҳнат шартномаси узайтирилиши даргумон.
Нуфузли трансфермаркт портали экспертлари Ирвингни 28 миллион еврога баҳоламоқда. У «Наполи» сафида 133 та ўйин ўтказиб, 30 та гол урган ва 16 та голли узатмани амалга оширган.
