"Тоттенхэм" бош мураббийи Антонио Конте қишки трансферлар вақтида жамоага янги футболчилар келиши мумкинлигини айтди. Унинг таъкидлашича, "шпорлар" ёш футболчиларга сармоя киритишда давом этишни режалаштирмоқда.

“Биз нимадир қилишга ҳаракат қиламиз, лекин шу билан бирга клуб фалсафасига амал қилишимиз керак. "Тоттенхэм" ёш футболчиларга сармоя киритмоқчи. Биз буни бир йил олдин Бентанкур ва Кулушевскини таклиф қилганимизда қилганмиз. Бизга иқтидор керак, лекин мақбул маош билан. Айнан мана шудай футболчиларни сотиб олишга ҳаракат қиламиз”, - деди Конте матбуот анжуманида.

АПЛнинг 16-туридан кейин “Тоттенхэм” 30 очко билан турнир жадвалида 4-ўринда бормоқда.