Transfermarkt портали Англия премьер лигасида 2022 йил давомида нархи қимматлашган ва арзонлашган футболчилар рўйхатини тақдим этди.

«Аякс» сафидан «Манчестер Юнайтед»га ўтган Антони 50 миллион еврога қимматлашган. «Ливерпуль»га ёзда қўшилган Дарвин Нуньеснинг трансфер қийматига эса 38 миллион евро қўшилган.

2022 йилда нархи қимматлашган АПЛ футболчилари:

1. Антони («Манчестер Юнайтед») — 75 миллион евро (+50 миллион евро);
2. Дарвин Нуньес («Ливерпуль») — 70 миллион (+38 млн);
3. Букайо Сака («Арсенал») — 100 миллион (+35 млн);
4. Луис Диас («Ливерпуль») — 75 миллион (+35 млн);
5. Марк Кукурелья («Челси») — 55 миллион (+35 млн);
6. Мойзес Кайседо («Брайтон») — 38 миллион (+35 млн);
7. Габриэль Мартинелли («Арсенал») — 60 миллион (+32 млн);
8. Алексис Макаллистер («Брайтон») — 42 миллион (+32 млн);
9. Энтони Гордон («Эвертон») — 40 миллион (+32 млн);
10. Бруну Гимарайш («Ньюкасл») — 60 миллион (+30 млн).

Шунингдек, жорий йилда нархи арзонлашган футболчилар рўйхати ҳам эълон қилинди. Кучли учликдан «Манчестер Юнайтед»нинг уч аъзоси — Маркус Рэшфорд, Рафаэл Варан ва Жейдон Санчолар жой олди.

2022 йилда нархи арзонлашган АПЛ футболчилари:

1. Маркус Рэшфорд («Манчестер Юнайтед») — 55 миллион евро (-30 миллион евро);
2. Жейдон Санчо («Манчестер Юнайтед») — 60 миллион (-25 млн);
3. Рафаэл Варан («Манчестер Юнайтед») — 40 миллион (-25 млн);
4. Чағлар Союнжю («Лестер») — 22 миллион (-23 млн);
5. Муҳаммад Салоҳ («Ливерпуль») — 80 миллион (-20 млн);
6. Уилфред Ндиди («Лестер») — 40 миллион (-20 млн);
7. Нголо Канте («Челси») — 30 миллион (-20 млн);
8. Аарон Уан-Биссака («Манчестер Юнайтед») — 18 миллион (-20 млн);
9. Ҳарри Магуайр («Манчестер Юнайтед») — 30 миллион (-18 млн);
10. Антони Марсьяль («Манчестер Юнайтед») — 15 миллион (-17 млн).