Аввал ҳабар бериб ўтганимиздек, кеча ОФКдан ташриф буюрган махсус гуруҳ Фарғонанинг “Нефтчи” жамоасини текширди. Меҳмонлар 17:30да “Фарғона” марказий ўйингоҳига етиб келишди.

Шундан сўнг Алишер Никимбаев барча йиғилган “Нефтчи” раҳбарияти ва ОАВ ходимларига меҳмонларни исм-шарифи ва йўналиши бўйича таништириб ўтди. Шундан сўнг комиссия аъзолари клуб структурасидаги ҳар бир бўлим вакили билан алоҳида савол-жавоб ўтказди.

Хусусан, делегациянинг ҳар бир аъзоси стадион ҳолати, бухгалтерия, маркетинг сиёсати, матбуот хизмати, болалар футболини ривожлантириш дастури ва клубни лицензиялаштириш бўйича амалга оширилган ишлар билан яқиндан танишди. Шундан сўнг делегация аъзолари “Марказий” стадионда футболчилар, ОАВ ходимлари меҳмонлар ва мухлислар учун яратилган шароитларни ўрганишди ва бу ерда ўтган йилги ташрифдан сўнг кўплаб ижобий ўзгаришлар юз берганини алоҳида қайд этишди. Шундан сўнг комиссия аъзолари пресс-конференция зали йиғилишди ва ҳар бир бўлимга жавобгар шахс ўз фикирларини “Нефтчи” раҳбариятига айтиб ўтди. Ташриф сўнггида делегация аъзоларига клубимиз рамзи туширилган эсдалик совғалари топширилди.