Calciomercato хабарига кўра, "Монца" дарвозабони Алессио Краньо январда жамоани тарк этиши мумкин.
Футболчи кам ўйин амалиёти сабаб клубини ўзгартириш вариантини кўриб чиқмоқда.
28 ёшли дарвозабонга қизиқиш билдираётган жамоалар орасида "Фиорентина" ва "Милан" бор.
"Бинафшаранглар" Перлуиджи Голлини кетса, янги дарвозабон билан шартнома имзолаши керак, "Милан" эса Марко Спортьелло ўрнига янги дарвозабон қидирмоқда.
Ёзда "Монца", агар жамоа мавсум охирида А Сериядан тушиб кетмаса, мажбурий сотиб олиш шарти билан "Кальяри"дан Краньони ижарага олганди.
