Франция чемпионатининг ўн олтинчи турида “ПСЖ” “Страцбург”ни қийинчилик билан енгди ва сўнгги ярим соат давомида ўн киши билан ўйнади.
Шундай шароитда Килиан Мбаппе 95-дақиқада ғалаба голини уришга муваффақ бўлди.
Маълум бўлишича, Қатарда бўлиб ўтган жаҳон чемпионатининг энг яхши тўпурари "ПСЖ"нинг Франция чемпионатларида ўйнаган барча вақтларидаги энг кеч голига муаллифлик қилган.
Кейинги, ўн еттинчи турда "ПСЖ" меҳмонда "Ланс" билан ўйнайди.