Ҳужумчи Килиан Мбаппе Франция терма жамоасининг жаҳон чемпионати финалида мағлубиятга учраганидан бир неча кун ўтиб "ПСЖ" машғулотларига қайтди. Ҳужумчи нима учун таътилни бекор қилганини тушунтирди.
"Мен буни ҳеч қачон ҳазм қилмайман” - деди Мбаппе журналистларга Франциянинг финалдаги мағлубиятини назарда тутиб. "Аммо, мураббий ва жамоадошларимга айтганимдек, менинг клубим терма жамоамнинг мағлубияти учун товон тўламаслиги керак", - дея қўшимча қилди Килиан.
Эслатиб ўтамиз, чоршанба куни "ПСЖ" Франция чемпионати доирасида "Страсбург" жамоасини 2:1 ҳисобида мағлуб этганди. Кристоф Галтье жамоаси Франция Лига 1 турнир жадвалида пешқадамлик қилишда давом этмоқда.