Hujumchi Kilian Mbappe Fransiya terma jamoasining jahon chempionati finalida mag‘lubiyatga uchraganidan bir necha kun o‘tib "PSJ" mashg‘ulotlariga qaytdi. Hujumchi nima uchun ta’tilni bekor qilganini tushuntirdi.
"Men buni hech qachon hazm qilmayman” - dedi Mbappe jurnalistlarga Fransiyaning finaldagi mag‘lubiyatini nazarda tutib. "Ammo, murabbiy va jamoadoshlarimga aytganimdek, mening klubim terma jamoamning mag‘lubiyati uchun tovon to‘lamasligi kerak", - deya qo‘shimcha qildi Kilian.
Eslatib o‘tamiz, chorshanba kuni "PSJ" Fransiya chempionati doirasida "Strasburg" jamoasini 2:1 hisobida mag‘lub etgandi. Kristof Galtye jamoasi Fransiya Liga 1 turnir jadvalida peshqadamlik qilishda davom etmoqda.
