Мадриднинг “Реал” клуби бош мураббийи Карло Анчелотти Бразилия терма жамоасини бошқариши мумкинлиги ҳақидаги миш-мишларга изоҳ берди.
"Улар менга қўнғироқ қилишмади. Агар улар менга ҳақиқатан ҳам қизиқиш билдиришса, мен буни қадрлайман. Вазиятим аниқ: мен ҳали ҳам шу ердаман ва “Реал”га бизнинг саргузаштимиз тугаганини айтмайман”, - деди Анчелотти.
Аввалроқ Тите Бразилия терма жамоаси бош мураббийлигидан кетганди. Унинг қўл остида жамоа ЖЧ-2022 1/4 финалига чиқди ва Хорватияга пенальтилар сериясида мағлуб бўлди.