Лиссабоннинг "Бенфика" клуби президенти Руй Кошта аргентиналик ярим ҳимоячи Энцо Фернандесга Европанинг топ клублари қизиқиш билдираётганини тасдиқлади.
“Биз январда Энцо Фернандесдан воз кечмоқчи эмасмиз, аммо “Бенфика” 120 миллион евролик таклиф тушса, футболчини сотишга тайёр”, — дея Коштанинг сўзларини келтиради DAZN.
Фернандес Қатарда бўлиб ўтган 2022 йилги жаҳон чемпионатининг энг яхши ёш футболчиси деб топилди. Турнирнинг еттита учрашувида Энцо Аргентина терма жамоаси сафида битта гол урди ва битта голли узатмани амалга оширди.