Lissabonning "Benfika" klubi prezidenti Ruy Koshta argentinalik yarim himoyachi Enso Fernandesga Yevropaning top klublari qiziqish bildirayotganini tasdiqladi.
“Biz yanvarda Enso Fernandesdan voz kechmoqchi emasmiz, ammo “Benfika” 120 million yevrolik taklif tushsa, futbolchini sotishga tayyor”, — deya Koshtaning so‘zlarini keltiradi DAZN.
Fernandes Qatarda bo‘lib o‘tgan 2022 yilgi jahon chempionatining eng yaxshi yosh futbolchisi deb topildi. Turnirning yettita uchrashuvida Enso Argentina terma jamoasi safida bitta gol urdi va bitta golli uzatmani amalga oshirdi.