Енгил атлетиканинг баландликка сакраш мусобақаларида иштирок этаётган Светлана Радзивил кутилганидек финал йўлланмасини қўлга киритди.
Аслида финалга 12 нафар спортчи йўл олиши керак эди. Бироқ бир йўла 14 спортчи 1.93лик маррани забт этди.
Шунда ҳакамлар кутилмаган қарорга келишди. 1.93лик баландликни биринчи уринишда забт эта олмаган тўрт нафар иштирокчи ўртасида қўшимча саралаш босқичи ташкил қилинди. Осиё ўйинлари чемпиони Светлана Радзивил ҳакамларнинг бу қарорига биринчи уринишдаёқ 1.96 баландликни забт этиб жавоб қайтарди ва финал йўлланмасини қўлга киритди.
Қизиқ томони, қолган учта спортчи 1.96 метрлик баландликни забт эта олмади. Лекин 1.93 метрни олдинроқ сакраб утгани учун россиялик Гордеева Радзивил билан биргаликда финалчилар орасида жой олди.