Daily Mail хабарига кўра, "Борнмут" "Аталанта" ҳужумчиси Жереми Богага эътибор қаратмоқда.
Италия клуби 25 ёшли ивуарлик футболчини сотиш ёки ижарага беришга тайёр. Футболчи учун бошқа даъвогарлар орасида "Лестер" ва "Фиорентина" ҳам бор.
2022/23 йилги мавсумда Бога “Аталанта”нинг 7 та ўйинида қатнашиб, жами 122 дақиқа майдонда ўтказди ва самарали ҳаракатлари билан ажралиб тура олмади.
Transfermarkt.com портали футболчининг нархини 15 миллион еврога баҳоламоқда.