«Манчестер Юнайтед» ва Бразилия терма жамоаси ярим ҳимоячиси Каземиро Пеленинг вафоти муносабати билан ҳамдардлик билдирди.
«Жойинг жаннатда бўлсин, қирол Пеле. Бразилия ва футболга берган буюклигинг учун раҳмат. Сенинг меросингиз абадийдир», - деб ёзди Каземиро ўзининг ижтимоий тармоғида.
Маълумот учун, Пеле уч марта (1958, 1962 ва 1970) ўйинчи сифатида жаҳон чемпионлигини қўлга киритган дунёдаги ягона футболчидир. У спортдаги ютуқлари учун Бразилия олтин медали билан тақдирланган. 1995 йилдан 1998 йилгача Пеле Бразилия спорт вазири лавозимида ишлаган.