"Ливерпуль" бош мураббийи Юрген Клопп ҳужумчи Роберто Фирминони жамоада олиб қолмоқчи эканлигини айтди.
31 ёшли бразилияликнинг клуб билан шартномаси 2023 йилнинг июн ойи охиригача амал қилади.
“Биз Роберто билан кўп гаплашдик. Мен унинг қолишини албатта хоҳлайман. Агар менинг сўзларим Фирминога қандайдир тарзда таъсир қилса, ундан бу ҳақда сўранг", - дея Клоппнинг сўзларини келтиради Sky Sports.
Фирмино “Ливерпуль” сафида 2015 йилнинг июлидан буён жамоада. 2022/23 йилги мавсумда у мерсисайдликлар сафида 21 та ўйинда майдонга тушиб, 9 та гол урди ва 4 та голли узатмани амалга оширди.
