Ҳозиргина Европа Лигаси 2012/2013 мавсуми 3-саралаш босқичи жавоб ўйинлари доирасидаги Словениянинг “Мура 05” ҳамда Максим Шацких тўп сурадиган “Арсенал” жамоалари ўртасидаги ўйин якунига етди.

Учрашувда Максим Шацких жамоадошлари 2:0 ҳисобида ғалаба қозонишди. Киевликлар биринчи ўйинда ҳам 3:0 ҳисобида ғалабани тантана қилишганди.

Бироқ дастлабки ўйинда дисквалификация қилинган футболчи “Арсенал” сафида майдонга тушгани учун уларга техник мағлубият ёзилганди. Ана шундай қилиб, иккила ўйинда ғалаба қозонганига қарамай, “Арсенал” Европа Лигасидаги иштирокини якунлади. Иккита ўйинда ўз дарвозасидан бешта тўп олиб чиққан “Мура 05” эса кейинги босқичда.

Максим Шацких бу ўйинда 90 дақиқа ҳаракат қилди.

МУРА 05 (Словения) – АРСЕНАЛ К (Украина) – 0:2 (0:1)
Голлар: 0:1 – Кобахидзе (2), 0:2 – Гоменюк (61).

Арсенал К: Панькив, Симоненко, Полевой, Гитченко, Кобахидзе (Ковпак, 81), Шахов, Максимов, Миколюнас, Максим ШАЦКИХ, Мазилу (Гоменюк, 61), Адийя (Шимович, 35).

Огоҳлантиришлар: Миколюнас (57), Максим ШАЦКИХ (59), Крамар (60), Шахов (71), Вас (89).
Четлатиш: Симоненко (31).