«Ливерпул»нинг ўнг қанот ҳимоячиси Трент Александр-Арнольд жамоанинг чемпионлик учун курашиш имкониятлари ҳақида гапирди.
«Лестер»ни мағлуб этган (2:1) «Ливерпуль» Англия премьер-лигаси турнир жадвалида олтинчи ўринда қолди. Жамоа «Арсенал»дан 12 очко, «Манчестер Сити»дан эса 7 очкога ортда қолмоқда.
«Биз реалистик бўлишга ҳаракат қиламиз, лекин бизнинг мақсадимиз ҳар доим чемпионликни қўлга киритиш ёки ҳеч бўлмаганда чемпионлик пойгасида қатнашиш - ўтган мавсумда бўлгани каби, биз «Манчестер Сити»ни охиригача қувмоқчимиз.
Ҳозир биз «Арсенал»дан жуда ортдамиз, шунинг учун биз фақат мўъжизага умид қилишимиз мумкин», деди Александр-Арнольд.
