Эрик тен Хаг Криштиану Роналдунинг "Ан-Наср"га ўтиши ҳақида гапиришдан бош тортди.

37 ёшли ҳужумчи "Манчестер Юнайтед" билан шартномаси бекор қилинганидан кейин Саудия клуби билан шартнома имзолади.

“Мен ўтмиш ҳақида гапирмаяпман, келинг, келажак ҳақида гаплашайлик.

Бугун биз олдинга яхши қадам ташладик. Бу мавсумда биз биринчи марта кучли 4таликка кирдик, аммо бу ҳеч нарсани англатмайди, чунки олдинда узоқ йўл бор. Биз ўйиндан ўйинга кучайишимиз, нимадир юта оладиган ҳолатга чиқишимиз керак”, - деди “Манчестер Юнайтед” бош мураббийи “Бўрилар” устидан қозонилган ғалабадан сўнг (1:0).

Эслатиб ўтамиз, ноябрь ойида Роналду интервью бериб, "Манчестер Юнайтед" раҳбариятини танқид қилган ва тен Хагни ҳурмат қилмаслигини айтган эди. Тез орада португалиялик билан шартнома бекор қилинди.