Лондоннинг «Арсенал» клуби Англия чемпионати турнир жадвалидаги пешқадамликни мустаҳкамлади, 2022 йилги сўнгги ўйинда жамоа «Брайтон»ни мағлуб этди ва энди «Манчестер Сити»дан 7 очко олдинга чиқиб олди. Ушбу вазиятга Лондон клуби ҳужумчиси Букайо Сака изоҳ берди.
«Бу ақлга сиғмас ҳодиса. Агар кимдир бу ҳақда мавсум бошланишидан олдин айтганида, ишонмаган бўлардим. Мен жуда ҳурсандман. Бизда ажойиб имконият бор.
Аммо келинг, кейинги ўйин ҳақида кўпроқ ўйлаб кўрайлик, биз «Ньюкасл»нинг қанчалик яхши эканини биламиз», деди Сака.
Лондон клуби навбатдаги ўйинни иккинчи январь куни ўтказади.
