Лондоннинг «Арсенал» клуби Англия чемпионати турнир жадвалидаги пешқадамликни мустаҳкамлади, 2022 йилги сўнгги ўйинда жамоа «Брайтон»ни мағлуб этди ва энди «Манчестер Сити»дан 7 очко олдинга чиқиб олди.
«Шаҳарликлар» «Эвертон» билан ўйинда очко йўқотган эди. Букайо Сака «Манчестер Сити»нинг очко йўқотиши унга қўшимча мотивация беришини айтди.
«Албатта, биз биринчи навбатда ўз натижаларимизга эътибор берамиз, лекин ашаддий рақибнинг натижасини билгач, хурсанд бўлдим ва бу мени анча руҳлантирди», - дея футболчининг сўзларини келтиради BBC Sport.