Лондоннинг "Арсенал" клуби бош мураббийи Микель Артета кечаги Англия Премьер-лигаси доирасидаги "Брайтон"га қарши (4:2) ўйинда шогирдларининг ўйини ҳақида гапирди.
“Эдегор майдонда биз кутган нарсани қилади. У ўйинлар натижасини ҳал қилади. Мартин қаттиқ ишлайди ва жамоага керакли нарсани беради. Ҳужумчиларимиз гол уришди, бу жуда яхши. Бу бизнинг футболчиларимиз тўғри дақиқаларда қарор қабул қилишларини хоҳлаймиз", деди испаниялик мураббий матбуот анжуманида.
“Канонирлар” 43 очко жамғариб, лигада ишончли пешқадамлик қилмоқда. Лондонликлар иккинчи ўриндаги “Манчестер Сити”дан 7 очко олдинда.
