"Монако" ҳимоячиси Бенуа Бадиашиле "Челси"га ўтишга яқин турибди, дея хабар беради The Athletic.
Манбага кўра, 21 ёшли франциялик футболчининг трансфери Лондон клубига 38 миллион еврога тушади. Футболчи аллақачон тиббий кўрикдан ўтган.
Бадиашиле жорий мавсумда 16 та ўйинда майдонга тушиб, 2 та гол урди. Transfermarkt портали футболчининг нархини 40 миллион еврога баҳоламоқда.