"Манчестер Сити"нинг испаниялик бош мураббийи Пеп Гвардиола қандай қилиб асосий таркибни танлаши ҳақида гапирди.
“Майдонда 11 нафар футболчи бор – биз 13 кишини майдонга тушира олмаймиз, шу туфайли ким ўйнамаслигини ҳал қилиш устида кўп бошимни қотираман. Ҳар қандай ҳолатда топ футболчилардан бири захирада қолади. Ёшим улғайган сари қалбимга кўпроқ ишонишни бошладим – кайфиятингиз бўлмаса, яхши ўйнай олмайсиз. Баъзида футболчиларни ўша вазиятдаги кайфиятига қараб танлайман ва бу жиҳат таркибни аниқлашда асосий омиллардан бири ҳисобланади”, - деди Гвардиола.
Ҳозирда "Сити" АПЛ турнир жадвалида 36 очко билан 2-ўринда, пешқадам "Арсенал" ҳисобида 43 очко бор.
