"Челси" қишки трансфер ойнасида ярим ҳимояни кучайтириш имкониятларини ўрганмоқда.
"Брайтон" ярим ҳимоячиси Алексис Макаллистер Лондон клубининг рўйхатидан жой олган. The Athletic нашри хабарига кўра, 24 ёшли аргентиналик футболчининг нархи 60 миллион фунт (тахминан 68 миллион евро) бўлиши мумкин, аммо Ғарбий Лондон клуби футболчини 35-40 миллион фунт (40-45 миллион евро) атрофида баҳоламоқда. Ҳисоб-китоблардаги фарқ футболчининг трансфери учун қийинчилик туғдирмоқда.
Алексис Макаллистер "Брайтон" таркибида 86 та ўйинда майдонга тушди. Уларда аргентиналик футболчи 13 та гол урган ва шерикларига 6 та голли узатма берган.
